ദിഗന്ദം നടുങ്ങുന്ന ഉൾക്കാഴ്ചയിൽ
വാക്കുകൾ ഹൃദയത്തിൽ നിന്ന് വേർപെട്ടു
അവ നിന്റെ ചുറ്റും പറന്നു നടന്നു...
നിയോ, അനുഭൂതികളുടെ അതിപ്രസരത്തിൽ
ചിന്തകളെ മേയാൻ വിട്ടു..
അവ എൻറെ വാക്കുകളുടെ  ചിറകുകൾ
നിഷ്ടൂരമായി അടർത്തിയെടുത്തു..
നിശബ്ദതയുടെ അടിവാരതിലേക്കവ
നിലയറ്റു വീണു..
പൊട്ടിയ ഗദ്ഗദങ്ങളുടെ വിള്ളലിലൂടെ
ചിലത് നീർച്ചാലുകളായി എൻറെ
കണ്ണുകളിലൂടെയൊഴുകിയിറങ്ങി...
അവ്യക്തമാക്കപെട്ട വികാരങ്ങളിൽ തട്ടി അവ താഴേക്ക്‌ ചിതറി
അപ്പോഴും തുറക്കാൻ മടിച്ചു നിന്ന നിൻറെ മനസ്സിലെവിടെയോ
കറുത്ത മുഖമുള്ള യക്ഷൻമാർ
സുരപാനം നടത്തുകയായിരുന്നു..!!