ജീവിതം!
തുറക്കാതെ പോയൊരു പഴയ മണ് ചെപ്പിലെ
വിലയറിയാത്ത മുത്തുപോല് ജീവിതം !
കഥകള് മെനയുവാന് മുതിരാത്ത പേനയില്
വെറുതേ നിറച്ചൊരു മഷി പോലെ ജീവിതം !
അരുതെന്നു പറയുവാൻ ആളുണ്ട് പുറകിലായ്
ആവുന്നതെത്രയൊ അളന്നിട്ട തട്ടുകൾ!!
ശിഥില മോഹങ്ങളാൽ അടഞ്ഞുപോയ് മാനസച്ചെരുവിൽ
ഒളിപകർന്നൊരാ ചിരാതിൻ വെട്ടവും !!
അറിയാതെ പഥികാ നീ മുന്നോട്ടുനോക്കുകിൽ
കാണായി വരിക പോയകാലത്തിൻ കറുപ്പുമാത്രം !!
